Lub Nroog Saint Paul Lub Chaw Haujlwm Saib Xyuas Nyiaj Txiag thiab cov kws tshawb fawb tuaj ntawm Tsev Kawm Theem Kawg Michigan Lub Tsev Kawm Txog Haujlwm Zej Tsoom tau koom tes nrog Pan Atlantic Research txhawm rau nqis tes ua qhov Kev Tshawb Fawb Raws Kev Ua Qauv Qhia Ntawm CollegeBound Boost.
Lub Hom Phiaj Kev Tshawb Fawb
Pib txij xyoo 2020, txhua tus me nyuam uas yug hauv Saint Paul tau txais ib tug as qhauj nyiaj khaws cia los ntawm Lub Nroog uas yog ib feem ntawm lub phiajxwm tshiab hu ua "CollegeBound Saint Paul." Peb tab tom tiv tauj rau koj vim tias koj tus menyuam uas yug nyob rau lossis tom qab Lub Ib Hlis tim 1, 2020 thiab muaj ib tug twg ntawm cov as qhauj no. Lub Nroog Saint Paul tab tom sim cov cai ruaj tshiab thiab tswv yim tshiab los mus muab kev txhawb nqa nyiaj txiag ntxiv rau cov tsev neeg. Tej zaum koj kuj yuav tsim nyog koom nrog raws koj qhov chaw nyob thiab cov nyiaj tau los ntawm tsev neeg.
Yog tias koj tsim nyog thiab pom zoo koom tes rau qhov kev tshawb fawb no, koj yuav raug muab tso rau ib qho twg ntawm peb pab pawg ntev txog 24 lub hlis.
Koj yuav raug xa mus rau ib qho ntawm peb pawg no
1. Cov nyiaj tso nkag ntxiv hauv koj tus menyuam tus as-qhauj CollegeBound Saint Paul ($250 txhua peb lub hlis ntev txog 12 lub hlis uas tag nrho yog $1,000); lossis
2. Nyiaj tau los ntxiv txog $500 hauv ib lub hlis ntev txog 24 lub hlis ntxiv rau $250 uas yog cov nyiaj tso nkag txhua peb lub hlis ntev txog 12 lub hlis hauv koj tus menyuam tus as-qhauj CollegeBound; lossis
3. Txuas ntxiv mus nyob rau hauv CollegeBound Saint Paul nrog rau cov nyiaj tso nkag tiag taw $50 tam sim no thiab cov hwv tsam kom tau txais cov nyiaj pub.
Kev them nyiaj yug
Txawm koj yuav raug muab tso rau pab pawg twg los tsis ua li cas, txhua leej uas koom rau hauv CollegeBound Boost yuav muaj lub hwv tsam los mus khwv tau $120 hauv cov npav khoom plig. Koj yuav tau txais ib daim npav khoom plig VISA rho nyiaj $40 ua koj tsaug rau kev koom tes rau hauv qhov kev tshawb fawb, tseem ntxiv $40 npav khoom plig rau kev ua tiav ib daim ntawv nug luv luv hauv 12 thiab 24 lub hlis.
Tsis dhau ib lub lis piam, koj yuav tau txais ib tsab email soj qab lossis ib tsab xov tooj tuaj ntawm Pan Atlantic Research tuaj nrog cov lus qhia ntxiv raws li pab pawg uas koj tau raug muab cob rau. Thov saib koj qhov chaw rau cov email uas tuaj ntawm collegeboundboost@panatlanticresearch.com.
Ib xyoos ib zaug (kwv yees li 12 thiab 24 lub hlis tom qab koj pib koom nrog qhov kev tshawb fawb), peb yuav tiv tauj rau koj kom ua tiav qhov kev ntsuam xyuas uas ntev li 15 feeb txog koj cov kev paub dhau los thiab lwm yam xov xwm hais txog koj thiab koj tus menyuam txoj kev noj qab haus huv, koj tej kev cia siab rau koj tus menyuam txoj kev kawm, thiab koj yuav npaj li cas rau lub neej yav tom ntej. Piv txwv li, peb yuav nug cov lus nug xws li Koj xav kom koj tus menyuam kawm ntawv mus tau deb npaum li cas? Puas yog niaj hnub no koj tsev neeg tab tom txuag nyiaj rau koj tus menyuam txoj kev kawm yav tom ntej?
Qee cov lus nug tej zaum yuav ua rau tu siab. Piv txwv li, tej zaum peb yuav nug cov lus nug txog kev kub ntxhov fab nyiaj txiag xws li Kuv tsev neeg muaj nyiaj txaus los muas lub tsev uas peb ntshaw, lossis cov lus nug txog kev mob hlwb xws li koj muaj kev tu siab lossis kho siab npaum li cas hauv lub hli dhau los. Koj tsis tas yuav teb cov lus nug uas ua rau koj tu siab heev; koj tuaj yeem hla cov lus nug ntawm qhov kev ntxig nug ntawd.
Tom qab kev ua tiav ntawm txhua qhov kev ntsuam xyuas, koj yuav tau txais lwm daim npav VISA them ua ntej raug nqi $40 los ntawm lub Tsev Kawm Theem Kawg Michigan
Kom peb thiaj li tuaj yeem ua tiav qhov kev tshawb fawb no, cov xov xwm los ntawm koj qhov kev ntsuam xyuas yuav raug txuas los ntawm tus cim qhia tshwj xeeb mus rau cov xov xwm hais txog koj qhov kev koom tes hauv qhov kev tshawb fawb no thiab koj tus menyuam tus as qhauj CollegeBound Saint Paul. Tshwj xeeb, peb yuav muab kom tau tag nrho cov ntaub ntawv hauv tej phiajxwm dej num ntawm CollegeBound Saint Paul xws li hnub koj nkag rau hauv lub qhov rooj (portal), hom thiab tag nrho cov nyiaj faj cia, thiab lwm yam ntaub ntawv ntsig txog koj li kev ua haujlwm koom nrog phiajxwm dej num ntawm CollegeBound Saint Paul. Qhov no suav nrog tag nrho cov ntaub ntawv los ntawm kev ua haujlwm sib koom thiab kev tso nyiaj uas tshwm sim los ntawm ib qho ntawm pawg ua haujlwm fab kev kawm paub.
Cov Txiaj Ntsig Pab
Koj qhov kev koom tes yuav pab ua kom peb nkag siab zoo txog kev yuav nthuav dav lossis txhim kho cov phiajxwm hauv nroog li cas txhawm rau txhawb kev noj qab haus huv ntawm cov menyuam yaus thiab tsev neeg hauv Saint Paul.Peb kuj tseem yuav ua tib zoo tiv tauj rau koj ntxiv rau yav tom ntej txhawm rau kev soj ntsuam ntxiv. Yog tias qhov no tshwm sim, koj yuav tau txais kev txhawb dej siab ntxiv.
Kev Pheej Hmoo
Koj qhov kev koom tes hauv qhov kev tshawb fawb no muaj kev pheej hmoo tsawg heev mus txog rau qhov tsis muaj kiag li. Txawm li cas los xij, txhua lub sijhawm uas koj nthuav qhia cov xov xwm, muaj ib qhov kev pheej hmoo txog ntawm kev nthuav tawm huam yuaj. Pab pawg tshawb fawb siv cov txheej txheem kev ruaj ntseg ntawm cov ntaub ntawv uas nruj heev, kom ntseeg tau tias qhov kev pheej hmoo no muaj tsawg heev.
Kev koom tes hauv txoj kev tshawb fawb no yog kev txaus siab ua. Yog tias koj tsis lees koom nrog, yuav tsis muaj txim dab tsi rau koj thiab yuav tsis muaj kev cuam tshuam rau koj txoj kev sib raug zoo nrog lub Nroog Saint Paul lossis ib qho twg ntawm nws cov phiajxwm pabcuam. Koj tuaj yeem hla tau txhua nqe lus nug ntawm qhov kev ntsuam xyuas thiab tuaj yeem tso tseg tsis koom nrog kev tshawb fawb nyob rau txhua lub sijhawm yam tsis muaj txim txhaum dab tsi. Yog tias koj tso tseg kev koom nrog qhov kev tshawb fawb no, koj tseem yuav muaj sijhawm los sau qhov kev ntsuam xyuas nyob rau 12 thiab 24 lub hlis thiab tau txais cov npav khoom plig Visa $40 ntxiv.
Cov kws tshawb fawb yuav tiv thaiv koj cov xov xwm nyob rau ntau txoj hau kev. Txhua yam xov xwm taw qhia xws li npe thiab hnub yug raug raug tshem tawm kom sai li sai tau thiab hloov nrog tus cim tsim kev tshawb fawb. Txhua yam xov xwm raug muab khaws cia rau tej chaw uas muaj kev tiv thaiv siv lus zais kev hla dhau. Tsuas yog cov tswv cuab hauv pab pawg uas muaj kev tso cai tshwj xeeb thiaj raug tso cai kom pom cov ntaub ntawv nkaus xwb. Tsis muaj leej twg ntawm lub Nroog Saint Paul yuav tuaj yeem nkag mus tau rau koj cov ntaub ntawv ntsuam xyuas.
Leej twg thiaj yuav nkag mus tau rau kuv cov ntaub ntawv tuav tseg ntawm kev tshawb fawb?
Lub tsev kawm ntawv theem kawg, cov neeg txhawb nqa lossis cov neeg pab nyiaj, cov neeg tshuaj ntsuam, thiab/lossis Tsoom Neeg Ntsuam Xyuas Koom Haum (IRB, Institutional Review Board) ntawm qhov kev tshawb fawb kuj yuav xav tau cov xov xwm los mus xyuas kom meej tias qhov kev tshawb fawb tau ua tiav yam muaj kev nyab xeeb thiab kev tsim nyog.
Yuav muaj dab tsi tshwm sim rau cov xov xwm uas tau suav sau nyob rau qhov kev tshawb fawb no?
Cov xov xwm uas koj nthuav qhia txhawm rau txiav txim koj qhov kev tsim nyog rau qhov kev tshawb fawb no (chaw nyob, hnub yug ntawm tus menyuam, kev sib txheeb nrog tus menyuam, thiab cov txiaj ntsig pab thiab cov xov xwm nyiaj tau los), yuav muab nthuav qhia rau lub Nroog Saint Paul txhawm rau tso koj npe nkag rau hauv CollegeBound Boost. Koj cov lus teb rau qhov kev ntsuam xyuas ib leeg yuav tsis muab nthuav qhia rau lub Nroog Saint Paul. Peb tsuas yog tshaj qhia cov lus teb rau qhov kev ntsuam xyuas tam li yog ib pab pawg xwb.
Peb yuav ceev cov xov xwm uas peb suav sau txog koj thaum lub sijhawm tshawb fawb rau cov haujlwm kev tshawb fawb yav tom ntej. Koj lub npe thiab lwm yam xov xwm uas tuaj yeem taw qhia tau koj ncaj nraim yuav raug muab khaws cia yam ruaj ntseg thiab cais los ntawm cov xov xwm tshawb fawb uas peb sau tau los ntawm koj. Txhua qhov chaw txuas li ntawm yam taw qhia tsim kev tshawb fawb thiab koj cov xov xwm taw qhia yuav raug tshem tawm sai li sai tau tom qab ua cov kev tshawb fawb tiav. Cov kws tshawb fawb kuj yuav tiv tauj rau koj dua nyob rau ib thiab ob xyoos tam li ib feem ntawm txoj haujlwm no. Cov txiaj ntsig ntawm qhov kev tshawb fawb no tuaj yeem muab tso tawm hauv ib tsab xov xwm lossis kev nthuav qhia, tab sis yuav tsis suav nrog txhua yam xov xwm uas yuav taw qhia txog koj.
Kuv cov xov xwm puas yuav raug siv rau kev tshawb fawb yav tom ntej lossis nthuav qhia rau lwm tus?
Qhov kev coj ua zoo tshaj plaws tam sim no txhawm rau nce qib kev tshawb fawb yog tso cai rau pab pawg tshawb fawb yav tom ntej los mus muab pov thawj thiab ntsuas qhov tau kawm paub los ntawm pab pawg tshawb fawb no. Peb ua raws li qhov kev nqis tes ua zoo tshaj plaws no. Peb tiv thaiv koj txoj cai ntiag tug los ntawm kev tshem tawm txhua yam uas yuav taw qhia txog koj. Tom qab ntawd cov kev tshawb fawb yav tom ntej tuaj yeem ua mus ntxiv yam tsis muaj kev pom zoo ntxiv los ntawm koj.
Kuv tuaj yeem tiv tauj rau leej twg txog qhov kev tshawb fawb no?
Thov tiv tauj rau cov kws tshawb fawb hauv qab no txhawm rau:
- Tau txais cov xov xwm ntxiv txog qhov kev tshawb fawb ntawd
- Nug ib nqe lus nug txog cov txheej txheem kev tshawb fawb
- Qhia txog kev muaj mob, kev raug mob, lossis lwm yam teeb meem (tej zaum koj yuav tsum tau qhia rau koj cov kws kho mob xwm yeem)
- Tso qhov kev tshawb fawb ua ntej nws tiav mus
- Nthuav qhia kev txhawj xeeb txog qhov kev tshawb fawb
Tus Thawj Tshuaj Ntsuam: William Elliott, PhD
Email: parent.survey@umich.edu
Xov tooj: (xov tooj hu dawb) 1-833-842-1248
Yog tias koj muaj lus nug dab tsi txog koj cov cai ua tus neeg koom nrog qhov kev tshawb fawb, lossis xav kom tau txais cov xov xwm, nug raws lus nug uas muaj lossis sib tham txog txhua yam kev txhawj xeeb txog qhov kev tshawb fawb no nrog qee leej uas tsis dhau ntawm tus(cov) kws tshawb fawb, thov tiv tauj rau cov hauv qab no:
Tsev Kawm Theem Kawg Michigan
Tsoom Saib Xyuas Koom Haum Ntawm Kev Tshawb Fawb Txog Kev Noj Qab Haus Huv thiab Kev Tshawb Nrhiav Txog Xeeb Ceem (IRB-HSBS, Health Sciences thiab Behavioral Sciences Institutional Review Board)
2800 Plymouth Road
Tuam Tsev 520, Chav 1169Ann Arbor, MI 48109-2800
Xov tooj: 734-936-0933 lossis xov tooj hu dawb (866) 936-0933
Fax: 734-936-1852
E-mail: irbhsbs@umich.edu
Xov Tooj Maj Ceev Ntawm Tsev Kawm Theem Kawg Michigan ntawm 1-866-990-0111.
Los ntawm kev sau cov xov xwm hauv qab no, ces koj tab tom pom zoo koom rau hauv qhov kev tshawb no. Thov sau cov xov xwm no kom tiav kom koj qhov kev tsim nyog rau qhov kev tshawb fawb tuaj yeem muab txiav txim tau.
Ib pab pawg tshawb fawb los ntawm Pan Atlantic Research yuav tiv tauj rau koj hauv email, kev xa ntawv lossis xov tooj tom qab koj xa daim foos no mus rau (1) qhia rau koj paub seb koj puas tsim nyog los koom rau hauv qhov kev tshawb fawb no, thiab (2) nug koj kom paub meej tias koj koom nrog hauv qhov kev tshawb fawb. Yog tias koj tsis tsim nyog rau qhov kev tshawb fawb no, koj yuav tau txais ib tsab email ceeb toom los ntawm lub Nroog Saint Paul.
Yog tias koj tsis tuaj yeem ua tiav cov xov xwm no hauv online, thov tiv tauj rau Pan Atlantic Research ntawm 651-356-8068 txhawm rau muab koj cov xov xwm hauv xov tooj.