ဝ့ၢ် Saint Paul တၢ်မၤဆူၣ်ထီၣ်ကျိၣ်စ့ဂ့ၢ်ဝီဝဲၤဒၢး (City of Saint Paul’s Office of Financial Empowerment) ဒီးပှၤဃုသ့ၣ်ညါမၤလိတၢ်ဖိတဖၣ်ဖဲ Michigan ဖၠၣ်စိမိၤကၠိအပှၤဂ့ၢ်ဝီတၢ်ဖံးတၢ်မၤ (University of Michigan’s School of Social Work) မ့ၢ်ပှၤမၤသကိးတၢ်ဒီး Pan Atlantic တၢ်ဃုသ့ၣ်ညါမၤလိအလီၢ် (Pan Atlantic Research) လၢတၢ်ပၢဆှၢဒုးနဲၣ်ပာ်ဖျါထီၣ် CollegeBound Boost တၢ်မၤလိအဂီၢ်န့ၣ်လီၤ.
တၢ်မၤလိအတၢ်ပညိၣ်ကွၢ်စိ
စးထီၣ်ဖဲ 2020 နံၣ်အပူၤ, ဖိသၣ်ဆံးခဲလၢာ်လၢအအိၣ်ဖျဲၣ်ဖဲ Saint Paul ပူၤတဖၣ် ဒိးန့ၢ်ဘၣ်ဝဲဒၣ် တၢ်ပာ်ကီၤစ့စရီ လၢဝ့ၢ်တၢ်ရဲၣ်တၢ်ကျဲၤအသီတခါအအိၣ် လၢတၢ်ကိးဝဲလၢ “CollegeBound Saint Paul” န့ၣ်လီၤ. ပဆဲးကျိးနၤမ့ၢ်လၢနဖိအိၣ်ဖျဲၣ်ထီၣ်ဖဲ မ့တမ့ၢ် လါယနူၤအါရံၤ 1 သီ, 2020 ဝံၤအလီၢ်ခံ ဒီးအိၣ်ဒီးစရီ သ့ၣ်တဖၣ်အံၤအကျါတခါခါအဃိန့ၣ်လီၤ. ဝ့ၢ် Saint Paul မၤကွၢ်ဝဲဒၣ်တၢ်အသီဒီးမၤဂ့ၤမၤသီထီၣ်တၢ်မၤကျဲခိၣ်သ့ၣ်တဖၣ်လၢ တၢ်ဟ့ၣ်လီၤအါထီၣ် တၢ်ဆီၣ်ထွဲမၤစၢၤကျိၣ်စ့ဂ့ၢ်ဝီဆူဟံၣ်ဖိဃီဖိတဖၣ်အဂီၢ်န့ၣ်လီၤ. ဘၣ်သ့ၣ်သ့ၣ်နကြၢးဝဲဘၣ်ဝဲလၢတၢ်နုာ်လီၤပၣ်ဃုာ်သကိးဒိးသန့ၤထီၣ်သးလၢ နလီၢ်အိၣ်ဆိးထံးဒီးနဟံၣ်ဖိဃီဖိတၢ်ဟဲနုာ်အဖီခိၣ်န့ၣ်လီၤ.
နမ့ၢ်ကြၢးဝဲဘၣ်ဝဲဒီးတၢ်အံၤဒီးအၢၣ်လီၤတူၢ်လိာ်လၢနကနုာ်လီၤပၣ်ဃုာ်ဖဲတၢ်မၤလိအံၤအပူၤ, အခိၣ်တိၤလိၤတၢ်ကနီၤလီၤနၤဖဲကရူၢ်သၢဒူၣ်အကျါတဒူၣ်အပူၤလၢ 24 လါအဂီၢ်န့ၣ်လီၤ.
တၢ်ကဟ့ၣ်လီၤနၤမူဒါလၢကရူၢ်သၢဖုအံၤအကျါတဖုအပူၤ-
1. တၢ်ဆှၢအါထီၣ်စ့လၢ နဖိအ CollegeBound Saint Paul စ့စရီအပူၤ ($250 သၢလါတဘျီလၢ 12 လါအဂီၢ် ခဲလၢာ်ပာ်ဖှိၣ်မ့ၢ်ဝဲ $1,000), မ့တမ့ၢ်
2. တၢ်ဟဲနုာ်အါထီၣ် တလါ $500 လၢ 24 လါအဂီၢ် ပာ်ဖှိၣ်ဒီးတၢ်ဆှၢအါထီၣ်စ့ $250 သၢလါတဘျီလၢ 12 လါအဂီၢ် လၢနဖိအ CollegeBound စ့စရီအပူၤ, မ့တမ့ၢ်
3. ကဆဲးအိၣ်ဒံးဖဲ CollegeBound Saint Paul အပူၤဃုာ်ဒီးကတီၢ်အံၤစ့တိာ်ကျဲၤ $50 ဒီးတၢ်ခွဲးဂ့ၤယာ်ဘၣ်လၢတၢ်ဒိးန့ၢ်ဘၣ်ဘိနၢး(စ)တဖၣ်န့ၣ်လီၤ.
တၢ်ဟ့ၣ်တၢ်ဘူးတၢ်လဲ
တၢ်ဃုထၢပာ်လီၤနၤလၢတအိၣ်ဒီးတၢ်ရဲၣ်တၢ်ကျဲၤလီၤတံၢ်လီၤဆဲးလၢကရူၢ်တကရူၢ်ဖဲလဲၣ်အပူၤဂ့ၤ, ပှၤနုာ်လီၤပၣ်ဃုာ်လၢ CollegeBound တၢ်ဆီၣ်ထွဲမၤစၢၤ အပူၤခဲလၢာ် ကအိၣ်ဒီးတၢ်ခွဲးဂ့ၤယာ်ဘၣ်လၢကမၤန့ၢ်ဘၣ် $120 လၢတၢ်ဟ့ၣ်ကနၢ ၤခးက့အပူၤ န့ၣ်လီၤ. နကဒိးန့ၢ်ဘၣ်တၢ်ဟ့ၣ်လီၤဆိန့ၢ်နၤဒီး $40 လၢ VISA တၢ်ဟ့ၣ်ခးက့အပူၤ ဒ်တၢ်စံးဘျုးစံးဖှိၣ် ဘၣ်နၤလၢနနုာ်လီၤပၣ်ဃုာ် လၢတၢ်ဃုထံၣ်သ့ၣ်ညါတၢ်မၤလိအံၤအပူၤ, ဃုာ်ဒီး တၢ်ဟ့ၣ်အါထီၣ် $40 တၢ်ဟ့ၣ်ကနၢၤ ခးက့တဘျီကဒီး လၢတၢ်မၤပှဲၤ တၢ်လီၤဃုသမံထံ ဖုၣ်ကိာ်လၢ 12 ဒီး 24 လါအပူၤန့ၣ်လီၤ.
ဖဲတနွံအတီၢ်ပူၤ, နကဒိးန့ၢ်ဝဲဒၣ်အံမ့(လ) မ့တမ့ၢ် တၢ်ကိးလီတဲစိဘၣ်ဃးတၢ်ဂ့ၢ်ပိာ်ထွဲလၢ Pan Atlantic Research အအိၣ်ဃုာ်ဒီးတၢ်မၤအါထီၣ်တၢ်သိၣ်လိနဲၣ်လိ တဖၣ်လၢအဒိးသန့ၤထီၣ်သးဖဲကရူၢ်လၢတၢ်နီၤလီၤနၤအပူၤန့ၣ်လီၤ. ဝံသးစူၤကွၢ်ဘၣ်နအံမ့(လ)အဒၢပူၤလၢအဟဲခီဖျိ collegeboundboost@panatlanticresearch.com တက့ၢ်.
တနံၣ်တဘျီ (ကဘၣ်ဖဲ 12 ဒီး 24 လါဃၣ်ဃၣ်စးထီၣ်ဖဲနနုာ်လီၤပၣ်ဃုာ်ဖဲတၢ်မၤလိပူၤဝံၤအလီၢ်ခံ), ပကဆဲးကျိးနၤလၢနကထၢနုာ်မၤပှဲၤ တၢ်လီၤဃုသ့ၣ်ညါအတကွီၣ်ဒိလၢအယံာ်ဝဲ 15 မံးနံးဃၣ်ဃၣ်ဘၣ်ဃးဒီးနတၢ်လဲၤခီဖျိတဖၣ်အဂ့ၢ်ဒီးတၢ်ဂ့ၢ်တၢ်ကျိၤအဂၤလၢအဘၣ်ဃး ဒီးနၤ ဒီးနဖိအတၢ်အိၣ်မုာ်အိၣ်ပၢၤအဂ့ၢ်, တၢ်လၢနမုၢ်လၢ်ဝဲလၢနဖိအတၢ်မၤလိမၤဒိးအဂီၢ်, ဒီးနရဲၣ်ကျဲၤလီၤတၢ်လၢခါဆူညါအဂီၢ်ဒ်လဲၣ်အဂ့ၢ်န့ၣ်လီၤ. အဒိ, ပကသံကွၢ်နၤတၢ်သံကွၢ်တဖၣ်ဒ်အမ့ၢ် နဆၢမုၢ်လၢ်လၢနဖိကလဲၤထီၣ်ဝဲဒၣ်ကၠိအယံာ်ကတၢၢ်ထဲလဲၣ်. မ့တမ့ၢ် ကတီၢ် အံၤ မ့ၢ်နဟံၣ်ဖိဃီဖိပာ်ကီၤစ့လၢနဖိအတၢ်မၤလိမၤဒိဆူညါအဂီၢ်ဧါ.
တၢ်သံကွၢ်တနီၤနီၤအကမၤတမုာ်နသးသ့သ့ၣ်သ့ၣ်န့ၣ်လီၤ. အဒိ, ပကသံကွၢ်နၤတၢ်သံကွၢ်တဖၣ်လၢအဘၣ်ဃးဒီးမုၢ်ကျိၤ ဝဲၤကွာ်တၢ်ဆီၣ်သနံးအဂ့ၢ်ဒ်အမ့ၢ် ယဟံၣ်ဖိဃီဖိအိၣ်ဒီးကျိၣ်စ့လၢလၢပှဲၤပှဲၤလၢပကပှ့ၤဟံၣ်ဒ်ပလိၣ်ဘၣ်အသိး, မ့တမ့ၢ် တၢ်သံကွၢ် ဘၣ်ဃးသးဒီးခိၣ်နူာ် တၢ်အိၣ်ဆူၣ်အိၣ်ချ့အဂ့ၢ် ဒ်အမ့ၢ် နတူၢ်ဘၣ်တၢ်သးတမုာ် မ့တမ့ၢ် တၢ်အိၣ်သယုၢ်တဂၤ ဖဲအပူၤကွံာ်လါအခါဒ်လဲၣ်အဂ့ၢ်န့ၣ်လီၤ. အလီၢ်တအိၣ်လၢနကစံးဆၢဝဲဒၣ်တၢ်သံကွၢ်တမံၤလၢ်လၢ်လၢအမၤတမုာ်နသး အါတလၢ ကဲၣ်ဆိးအဂ့ၢ်သ့ဝဲ,- နလဲၤကပာ်တၢ်သံကွၢ်လၢနတအဲၣ်ဒိးစံးဆၢဖဲတၢ်လီၤဃုသ့ၣ်ညါအံၤအပူၤသ့ဝဲန့ၣ်လီၤ.
ဒ်သိးပမၤလၢပှဲၤတၢ်မၤလိအံၤကသ့အဂီၢ်, တၢ်ဂ့ၢ်တၢ်ကျိၤလၢပဒိးန့ၢ်ဖဲတၢ်လီၤဃုသ့ၣ်ညါအပူၤတၢ်ကဒုးဘျးစဲအီၤခီဖျိ တၢ်ဒုးနဲၣ်ပာ်ဖျါလီၤဆီ တၢ်ဂ့ၢ်တၢ်ကျိၤဘၣ်ဃးနတၢ်နုာ်လီၤပၣ်ဃုာ်ဖဲတၢ်မၤလိအံၤအပူၤဒီးနဖိအ CollegeBound Saint Paul စရီအဂ့ၢ်န့ၣ်လီၤ. လီၤဆီဒၣ်တၢ်, ပကမၤန့ၢ်ဝဲဒၣ် CollegeBound Saint Paul တၢ်တိာ်ကျဲၤအတၢ်ဂ့ၢ်တၢ်ကျိၤခဲလၢာ်ဒ်အမ့ၢ်နံၤသီလၢနနုာ်လီၤ ဖဲပှာ်ယဲၤသန့ကျဲစၢၤအနံၤ, တၢ်သွီနုာ်လီၤစ့နီၣ်ဂံၢ်ဒီးအကလုာ်ခဲလၢာ်, တၢ်ဂ့ၢ်တၢ်ကျိၤအဂၤလၢအဘၣ်ထွဲဒီးနတၢ်ဘၣ်ထွဲ ခီဆၢ လိာ်သးဒီး CollegeBound Saint Paul တၢ်ရဲၣ်တၢ်ကျဲၤန့ၣ်လီၤ. တၢ်အံၤပၣ်ဃုာ်ဒီးတၢ်ဘၣ်ထွဲခီဆၢလိာ်သးဒီး တၢ်သွီနုာ် လီၤစ့အဂ့ၢ်အကျိၤခဲလၢအကဲထီၣ်သးခီဖျိ တၢ်ဃုသ့ၣ်ညါမၤလိတၢ်ကရူၢ်တဖုလၢ်လၢ်န့ၣ်လီၤ.
တၢ်န့ၢ်ဘျုးတဖၣ်
နတၢ်နုာ်လီၤပၣ်ဃုာ်သကိးကကဲထီၣ်တၢ်မၤစၢၤလၢအဒုးနၢ်ပၢၢ်ဂ့ၤထီၣ်စၢၤပှၤလၢပကဘၣ်မၤလဲၤထီၣ်လဲၤထီက့ၤဒ်လဲၣ် မ့တမ့ၢ် မၤဂ့ၤထီၣ်ဝ့ၢ်အတၢ်ရဲၣ်တၢ်ကျဲၤတဖၣ်လၢတၢ်မၤဒိၣ်ထီၣ်အါထီၣ်ဖိဒံဖိသၣ်ဒီးဟံၣ်ဖိဃီဖိတဖၣ်ဖဲဝ့ၢ် Saint Paul ပူၤအတၢ်အိၣ်မုာ်အိၣ်ပၢၤ အဂီၢ် န့ၣ်လီၤ. ဘၣ်သ့ၣ်သ့ၣ်ပကကျဲးစၢးဆဲးကျိးကဒီးနၤဆူညါတဘျီလၢတၢ်လိၣ်ဘၣ်အါထီၣ်တၢ်ဂ့ၢ်ပိာ်ထွဲတဖၣ်အဂီၢ်န့ၣ်လီၤ. တၢ်ဝဲန့ၣ်မ့ၢ်ကဲထီၣ်သးန့ၣ်, တၢ်ကဟ့ၣ်လီၤမၤစၢၤအါထီၣ်နၤတၢ်လၢအထိၣ်ဟူးထိၣ်ဂဲၤထီၣ်သးတဖၣ်န့ၣ်လီၤ.
တၢ်လီၤဘၣ်ယိၣ်တဖၣ်
နတၢ်နုာ်လီၤပၣ်ဃုာ်ဖဲတၢ်မၤလိအံၤအပူၤအိၣ်ဒီးတၢ်လီၤဘၣ်ယိၣ်အစှၤကတၢၢ်ဒီးစံးသ့လၢတအိၣ်ဒၣ်လဲာ်သ့ဝဲန့ၣ်လီၤ. ဒ်လဲၣ်ဂ့ၤ, တဘျီလၢ်လၢ် ဖဲလၢနနီၤလီၤပာ်ဖျါတၢ်ဂ့ၢ်တၢ်ကျိၤတဖၣ်, ကအိၣ်ဒီးတၢ်လီၤဘၣ်ယိၣ်လၢတၢ်တပာ်သူၣ်ပာ်သးအပူၤန့ၣ်လီၤ. ပှၤဃုသ့ၣ်ညါမၤလိတၢ်ကရူၢ်စူးကါဝဲဒၣ်တၢ်ဂ့ၢ်တၢ်ကျိၤအတၢ်ဘံၣ်တၢ်ဘၢအတၢ်မၤကျိၤကျဲလီၤတံၢ်လီၤဆဲး, ဒီးမၤလီၤတံၢ်ဝဲလၢ တၢ်အံၤ မ့ၢ်တၢ်လီၤဘၣ်ယိၣ်အဆံးကတၢၢ်အဂ့ၢ်န့ၣ်လီၤ.
တၢ်နုာ်လီၤပၣ်ဃုာ်ဖဲတၢ်မၤလိအံၤအပူၤမ့ၢ်နီၢ်ကစၢ်အတၢ်သးဆူၣ်န့ၣ်လီၤ. နမ့ၢ်ဂ့ၢ်လိာ်ဝဲဒၣ်တၢ်နုာ်လီၤပၣ်ဃုာ်သကိးန့ၣ်, တၢ်တဟ့ၣ်နၤတၢ်စံၣ်ညီၣ် ဒီးတအိၣ်ဒီး တၢ်မၤဘၣ်ဒိနတၢ်ရ့လိာ်ဘၣ်ထွဲဒီးဝ့ၢ် Saint Paul မ့တမ့ၢ် အတၢ်ရဲၣ်တၢ်ကျဲၤတမံၤလၢ်လၢ်ဘၣ်န့ၣ်လီၤ. နလဲၤကပာ်ဝဲဒၣ်တၢ်သံကွၢ်တမံၤမံၤဖဲ တၢ်လီၤဃုသ့ၣ်ညါ အတကွီၣ်ဒိပူၤသ့ဝဲဒီးနဆိကတီၢ်တၢ်နုာ်လီၤပၣ်ဃုာ်ဖဲတၢ်မၤလိပူၤတဘျီလၢ်လၢ်သ့ဝဲလၢတအိၣ်ဒီးတၢ်ဟ့ၣ်တၢ်စံၣ်ညီၣ်ဘၣ်န့ၣ်လီၤ. နမ့ၢ်ဆိကတီၢ်တၢ်နုာ်လီၤပၣ်ဃုာ် ဖဲတၢ်မၤလိအပူၤန့ၣ်, နကအိၣ်ဒံးဒီးတၢ်ခွဲးတၢ်ယာ်လၢတၢ်ထၢနုာ်ပှဲၤတၢ်လီၤဃုသ့ၣ်ညါတကွီၣ်ဒိဖဲ 12 ဒီး 24 လါအတီၢ်ပူၤ ဒီးနကဒိးန့ၢ်အါထီၣ် $40 ဖဲန Visa တၢ်ဟ့ၣ်ခးက့တဖၣ်အပူၤန့ၣ်လီၤ.
ပှၤဃုသ့ၣ်ညါမၤလိတၢ်ဖိတဖၣ်ကဒီသဒၢဝဲဒၣ်နတၢ်ဂ့ၢ်တၢ်ကျိၤဖဲကျဲအကလုာ်ကလုာ်အပူၤန့ၣ်လီၤ. တၢ်ဒုးနဲၣ်ဖျါထီၣ်တၢ်ဂ့ၢ်တမံၤလၢ်လၢ်ဒ်အမ့ၢ်မံၤဒီးအိၣ်ဖျဲၣ်နံၤသီတဖၣ်ကဘၣ်တၢ်ထုးထီၣ်ကွံာ်ဝဲလၢအဆိအချ့တသ့ဖဲအသ့ဒီးဆီတလဲက့ၤလၢ တၢ်ဒုးအိၣ်ထီၣ်နီၣ်နဲၣ်ဖျါတၢ်မၤလိ (study-generated identifier) န့ၣ်လီၤ. တၢ်ပာ်ဃာ်တၢ်ဂ့ၢ်တၢ်ကျိၤဖဲအဘံၣ်ဘၢအလီၢ်, လၢအမ့ၢ်လီကျိၤ လၢအဒီသစၢၤတၢ်ခူသူၣ်န့ၣ်လီၤ. ထဲဒၣ်တၢ်တိာ်ကျဲၤကရူၢ်အကရၢဖိတဖၣ်လၢအအိၣ်ဒီးတၢ်ဟ့ၣ်ခွဲးလီၤဆီအဂီၢ်ထံၣ်ဘၣ်ဝဲဒၣ်တၢ်ဂ့ၢ်တၢ်ကျိၤသ့န့ၣ်လီၤ. ပှၤတဂၤလၢ်လၢ်ဖဲဝ့ၢ် Saint Paul အပူၤတအိၣ်ဒီးခွဲးယာ်လၢအကနုာ်လီၤမၤန့ၢ်ဘၣ်နတၢ်လီၤဃုသ့ၣ်ညါအဂ့ၢ်အကျိၤတဖၣ်ဘၣ်န့ၣ်လီၤ.
ပှၤလၢအနုာ်လီၤမၤန့ၢ်ယတၢ်ဃုသ့ၣ်ညါမၤလိအတၢ်မၤနီၣ်မၤဃါတဖၣ်သ့မ့ၢ်မတၤလဲၣ်.
ဖၠၣ်စိမိၤ, ပှၤဆီၣ်မၤစၢၤတၢ်မၤလိ မ့တမ့ၢ် ပှၤဟ့ၣ်စ့ဆီၣ်ထွဲ, ပှၤသမံသမိးစ့စရီ, ဒီး/မ့တမ့ၢ် တၢ်သမံသမိးတၢ်မၤလိလီၢ်ကမံးတံာ် (Institutional Review Board (IRB)) ကလိၣ်ဘၣ်ဝဲဒၣ်တၢ်ဂ့ၢ်တၢ်ကျိၤလၢအတၢ်မၤလီၤတံၢ်ဝဲဒၣ်တၢ်မၤလိဝဲန့ၣ်မ့ၢ်တၢ်မၤအီၤလၢအပူၤဖျဲးဒီးတၢ်လီၤဘၣ်ယိၣ်ဒီးအက့ၢ်အဂီၤလၢအကြၢးဝဲဘၣ်ဝဲဧါ အဂ့ၢ်န့ၣ်လီၤ.
တၢ်ကကဲထီၣ်သးဒီးတၢ်ဂ့ၢ်တၢ်ကျိၤလၢတၢ်ထၢဖှိၣ်ဝဲဖဲတၢ်မၤလိအံၤအပူၤဒ်လဲၣ်.
တၢ်ဂ့ၢ်တၢ်ကျိၤလၢနနီၤလီၤပာ်ဖျါလၢတၢ်ကွၢ်ထံဆိမိၣ်ဘၣ်ဃးဒီးနတၢ်ကြၢးဝဲဘၣ်ဝဲလၢတၢ်မၤလိအံၤအဂီၢ် (လီၢ်အိၣ်ဆိးထံး, ဖိသၣ်အိၣ်ဖျဲၣ်နံၤသီ, တၢ်ဘၣ်ထွဲဒီးဖိသၣ်, တၢ်န့ၢ်ဘျုးဒီးတၢ်ဟဲနုာ်အဂ့ၢ်အကျိၤ), တၢ်ကနီၤလီၤပာ်ဖျါဝဲဒီးဝ့ၢ် Saint Paul လၢအကနုာ်ဆဲးလီၤန့ၢ်နမံၤဖဲ CollegeBound Boost ပူၤအဂီၢ်န့ၣ်လီၤ. တၢ်လီၤဃုသ့ၣ်ညါနနီၢ်တဂၤအတၢ်စံးဆၢတဖၣ်တၢ်တနီၤလီၤပာ်ဖျါဝဲဒီးဝ့ၢ် Saint Paul ဘၣ်န့ၣ်လီၤ. ပပာ်ဖျါထီၣ်တၢ်လီၤဃုသ့ၣ်ညါ အတၢ်စံးဆၢတဖၣ်ဒ်ကရူၢ်အသိးန့ၣ်လီၤ.
ပကပာ်ဃာ်တၢ်ဂ့ၢ်တၢ်ကျိၤလၢပထၢဖှိၣ်အီၤဘၣ်ဃးဒီးနၤတဖၣ်ဖဲတၢ်ဃုသ့ၣ်ညါမၤလိအကတီၢ်ပူၤလၢတၢ်မၤဝဲဒၣ်ခါဆူညါတၢ်ဃုသ့ၣ်ညါမၤလိအတၢ်တိာ်ကျဲၤတဖၣ်အဂီၢ်န့ၣ်လီၤ. နမံၤဒီးတၢ်ဂ့ၢ်တၢ်ကျိၤအဂၤတဖၣ်လၢတၢ်ဒုးနဲၣ်ဖျါအီၤလိၤလိၤသ့တဖၣ်တၢ်ကပာ်ကီၤဃာ်ဝဲဒၣ်ဘံၣ်ဘံၣ်ဘၢဘၢဒီးပာ်လီၤဆီအီၤဒီး တၢ်ဃုသ့ၣ်ညါမၤလိအဂ့ၢ်အကျိၤလၢပထၢဖှိၣ်န့ၢ်လၢနအိၣ်န့ၣ်လီၤ. တၢ်ဘျးစဲလိာ်သးဖဲ တၢ်ဒုးအိၣ်ထီၣ်နီၣ်နဲၣ်ဖျါတၢ်မၤလိ (study-generated identifier) ဒီးနတၢ်ဒုးနဲၣ်ဖျါတၢ်ဂ့ၢ်တၢ်ကျိၤအဘၢၣ်စၢၤတၢ်ကထုးထီၣ်ကွံာ်ဝဲလၢအဆိအချ့တသ့ဖဲအသ့ဖဲတၢ်မၤဝံၤဝဲဒၣ်တၢ်လီၤဃုသ့ၣ်ညါဝံၤအလီၢ်ခံန့ၣ်လီၤ. ဘၣ်သ့ၣ်သ့ၣ်ပှၤဃုသ့ၣ်ညါမၤလိတၢ်ဖိတဖၣ်ကဆဲးကျိးကဒီးနၤအသီတဘျီဖဲတနံၣ်ဒီးခံနံၣ်အဘၢၣ်စၢၤဒ်အမ့ၢ်တၢ်တိာ်ကျဲၤအတၢ်ရဲၣ်တၢ်ကျဲၤအကျါတခါအသိးန့ၣ်လီၤ. တၢ်မၤလိအံၤအစၢတဖၣ်တၢ်ကထုးထီၣ်ရၤလီၤဝဲဖဲလံာ်တၢ်ကွဲးအပူၤ မ့တမ့ၢ် တၢ်ပာ်ဖျါထီၣ်တၢ်ဂ့ၢ်အပူၤ, ဘၣ်ဆၣ်တၢ်တဒုးပၣ်ဃုာ်ဒီး တၢ်ဂ့ၢ်တၢ်ကျိၤ လၢအဒုးနဲၣ်ဖျါထီၣ်ဘၣ်ဃးနၤအဂ့ၢ်ဘၣ်န့ၣ်လီၤ.
တၢ်ကစူးကါဝဲဒၣ်ယတၢ်ဂ့ၢ်တၢ်ကျိၤလၢခါဆူညါတၢ်ဃုသ့ၣ်ညါမၤလိအဂီၢ်ဧါ မ့တမ့ၢ် နီၤလီၤပာ်ဖျါဒီးပှၤအဂၤတဖၣ်ဧါ.
တၢ်ဖံးတၢ်မၤအဂ့ၤကတၢၢ်ဖဲကတီၢ်အံၤလၢတၢ်မၤဒိၣ်ထီၣ်ထီထီၣ်တၢ်ဃုသ့ၣ်ညါမၤလိအဂီၢ်တၢ်ဟ့ၣ်တၢ်ပျဲလၢတၢ်ဃုသ့ၣ်ညါမၤလိအကရူၢ်တဖၣ်ကသမံထံဒီးမၤကွၢ်ဝဲဒၣ်တၢ်မၤလိန့ၢ်ဘၣ်တၢ်မနုၤတဖၣ်အဂ့ၢ်ခီဖျိတၢ်ဃုသ့ၣ်ညါမၤလိအကရူၢ်အံၤန့ၣ်လီၤ. ပလူၤပိာ်မၤထွဲတၢ်ဖံးတၢ်မၤအဂ့ၤကတၢၢ်အံၤန့ၣ်လီၤ. ပဒီသဒၢဝဲဒၣ်နနီၢ်ကစၢ်တၢ်ခူသူၣ်ခီဖျိအဆိကတၢၢ်ပထုးထီၣ်ကွံာ်တၢ်တမံၤလၢ်လၢ်လၢအဒုးနဲၣ်ဖျါထီၣ်တၢ်လၢအဘၣ်ဃးဒီးနၤအဂ့ၢ်န့ၣ်လီၤ. ဖဲန့ၣ်တၢ်ရဲၣ်ကျဲၤမၤဝဲဒၣ်ခါဆူညါတၢ်မၤလိတဖၣ်သ့ဝဲလၢတအိၣ်ဒီးတၢ်မၤအါထီၣ်တၢ်ဘိးဘၣ်သ့ၣ်ညါတၢ်အၢၣ်လီၤလၢနအိၣ်န့ၣ်လီၤ.
ပှၤလၢယဆဲးကျိးအီၤသ့ဘၣ်ဃးဒီးတၢ်မၤလိအံၤအဂ့ၢ်မ့ၢ်မတၤလဲၣ်.
ဝံသးစူၤဆဲးကျိးဘၣ်ပှၤဃုသ့ၣ်ညါမၤလိတၢ်ဖိတဖၣ်အမံၤစရီဒ်လာ်အံၤ-
- တၢ်မၤန့ၢ်အါထီၣ်တၢ်ဂ့ၢ်တၢ်ကျိၤဘၣ်ဃးတၢ်မၤလိအဂ့ၢ်
- သံကွၢ်တၢ်သံကွၢ်တဖၣ်ဘၣ်ဃးဒီးတၢ်မၤလိအတၢ်မၤကျိၤကျဲတဖၣ်အဂ့ၢ်
- ပာ်ဖျါထီၣ်တၢ်ဆူးတၢ်ဆါ, တၢ်ဘၣ်ဒိဘၣ်ထံး, မ့တမ့ၢ် တၢ်ကီတၢ်ခဲအဂၤတဖၣ် (ဘၣ်သ့ၣ်သ့ၣ်နကဘၣ်တဲဘၣ်စ့ၢ်ကီး နမုၢ်ဆ့ၣ်မုၢ်ဂီၤ ကသံၣ်သရၣ်တဖၣ်)
- ပာ်တ့ၢ်တၢ်မၤလိတချုးဒံးဖဲတၢ်မၤဝံၤအီၤဘၣ်ခါ
- ပာ်ဖျါထီၣ်တၢ်ဘၣ်ယိၣ်ဘၣ်ဃးတၢ်မၤလိအဂ့ၢ်
ပှၤသမံသမိးတၢ်ဖိအခိၣ်သ့ၣ်- William Elliott, PhD
အံမ့(လ)- parent.survey@umich.edu
လီတဲစိ- (လီတဲစိလၢတလၢာ်အပှ့ၤ) 1-833-842-1248
နမ့ၢ်အိၣ်ဒီးတၢ်သံကွၢ်တဖၣ်လၢအဘၣ်ဃးဒီးနခွဲးယာ်ဒ်ပှၤနုာ်လီၤဃုသ့ၣ်ညါတၢ်ဖိတဂၤအသိး, မ့တမ့ၢ် ဆၢမုၢ်လၢ်လၢကဒိးန့ၢ်ဘၣ်တၢ်ဂ့ၢ်တၢ်ကျိၤအဂီၢ်န့ၣ်, သံကွၢ်တၢ်သံကွၢ်တဖၣ် မ့တမ့ၢ် တၢၣ်ပီၣ်သကိးနတၢ်ဘၣ်ယိၣ်ဘၣ်ဃးတၢ်မၤလိအံၤအဂ့ၢ်ဒီးပှၤတဂၤဂၤလၢအတမ့ၢ်ထဲပှၤဃုသ့ၣ်ညါမၤလိတၢ်ဖိ(တဖၣ်), ဝံသးစူၤဆဲးကျိးဘၣ်ဒ်လာ်အံၤ-
Michigan ဖၠၣ်စိမိၤ
Health Sciences and Behavioral Sciences Institutional Review Board (IRB-HSBS) (ကမံးတံာ်အတၢ်သမံထံကွၢ်ကဒါက့ၤစဲအ့ၣ်တၢ်မၤလိဘၣ်ဃးတၢ်အိၣ်ဆူၣ်အိၣ်ချ့ဒီးတၢ်ပာ်သူၣ်ပာ်သးအဂ့ၢ်)
2800 Plymouth Road
Building 520, Room 1169Ann Arbor, MI 48109-2800
လီတဲစိ- 734-936-0933 မ့တမ့ၢ် လီတဲစိလၢတလၢာ်အပှ့ၤ (866) 936-0933
စဲးဒိဆှၢလံာ် (Fax)- 734-936-1852
အံမ့(လ)- irbhsbs@umich.edu
တၢ်လူၤပိာ်မၤထွဲ Michigan ဖၠၣ်စိမိၤတၢ်ဂ့ၢ်အလီကျိၤဖဲ 1-866-990-0111 တက့ၢ်.
ခီဖျိနထၢနုာ်မၤပှဲၤတၢ်ဂ့ၢ်တၢ်ကျိၤလၢလာ်အံၤအသိး, နအၢၣ်လီၤအီလီၤလၢနမ့ၢ်ပှၤနုာ်လီၤပၣ်ဃုာ်ဖဲတၢ်မၤလိအံၤအပူၤန့ၣ်လီၤ. ဝံသးစူၤထၢနုာ်မၤပှဲၤတၢ်ဂ့ၢ်တၢ်ကျိၤအံၤလၢလၢပှဲၤပှဲၤဒ်သိးတၢ်ဆိမိၣ်ဆၢတဲာ်ဝဲလၢနကြၢးဝဲဘၣ်ဝဲဒီးတၢ်မၤလိအံၤသ့အဂီၢ်တက့ၢ်.
တၢ်ဃုသ့ၣ်ညါမၤလိအကရူၢ်ကရၢဖိဖဲ Pan Atlantic Research အလီၢ်ကဆဲးကျိးနၤခီဖျိအံမ့(လ), တၢ်ကွဲးဆှၢလံာ် မ့တမ့ၢ် ကိးလီတဲစိဖဲ နဆှၢထီၣ်လံာ်တကွီၣ်ဒိအံၤဝံၤအလီၢ်ခံ (1) လၢအတၢ်ဒုးသ့ၣ်ညါနၤဘၣ်ဃးမ့ၢ်နကြၢးတကြၢးဒီးတၢ်နုာ်လီၤပၣ်ဃုာ်ဖဲတၢ်မၤလိအံၤအဂ့ၢ်, ဒီး (2) ဃ့နၤလၢကသမံထံပာ်ဂၢၢ်ပာ်ကျၢၤနတၢ်နုာ်လီၤပၣ်ဃုာ်ဖဲတၢ်မၤလိပူၤအဂ့ၢ်န့ၣ်လီၤ. နမ့ၢ်တကြၢးဝဲဘၣ်ဝဲဒီးတၢ်မၤလိအံၤဘၣ်န့ၣ်, နကဒိးန့ၢ် တၢ်ဘိးဘၣ်သ့ၣ်ညါအအံမ့(လ)လၢဝ့ၢ် Saint Paul အအိၣ်န့ၣ်လီၤ.
နမၤဝံၤဝဲဒၣ်တၢ်ဂ့ၢ်တၢ်ကျိၤအံၤလၢအ့ထၢၣ်နဲးဖီခိၣ်မ့ၢ်တသ့ဘၣ်န့ၣ်, ဝံသးစူၤဆဲးကျိး Pan Atlantic Research ဖဲ 651-356-8068 လၢအကဟ့ၣ်လီၤနၤတၢ်ဂ့ၢ်တၢ်ကျိၤခီဖျိလီတဲစိန့ၣ်လီၤ.